पूर्व माओबादी लडाकु मिरा राई अल्ट्रा दौड' मा विश्व उपविजेता बन्न सफल
संसारकै पाँच उत्कृष्ट दौडमध्येको एक सय १० किलोमिटर लामो ‘सालोमन प्रिनेउ अल्ट्रा दौड' मा मिरा राईले विश्वका चर्चित धावकलार्इ पछि पार्दै विश्व उपविजेता बन्न फल भएकी हुन् ।
उनले 'सालोमन प्रिनेउ अल्ट्रा दौड’१३ घन्टा ४३ मिनेट ४५ सेकेन्डमा दौड पुरा गरेर नेपालको नाम विश्वभर चम्काउन सफल भएकी हुन् ।
विश्वका चर्चित दौडमा दर्जनौं रेकर्ड बनाउँदै उपाधि जितेर अनुभव हाँसिल गर्न सफल स्विटजरल्यान्डकी धाविका इमिली फोर्सब्रगले सोही दुरी १३ घण्टा ३९ मिनेट ३३ सेकेन्डमा पुरा गरे प्रथम बन्न सफल भइन् ।
यो दौडमा मिराले गत वर्षकी विजेता स्पेनिस धावक नुरियालेलार्इ भने पछार्न सफल भइन् । उनले वर्षकी च्याम्पियन नुरिया प्लाकासलार्इ तेस्रो स्थानमा धकेलिन् ।
स्पेनिस धाविका नुरियाले भने १४ घण्टा १३ मिनेटमा दुरी पार गर्न सफल भइन् ।
नेपाली चेली मिराको हौसला बढाउन स्पेनमा बसोबास गर्दै आएका सयौं नेपाली शनिबार बिहान सबेरैबाट दौड हुने क्षेत्र बागा पहाडमा पुगेका थिए ।
मिरा विश्व उपविजेता भएपछि शनिबार बिहानदेखि दौडस्थलमा जम्मा भएका स्पेनबासी नेपालीले मिरालाई स्वागत र सम्मान गरेका थिए ।
मिरा उपविजेता बन्न सफल भएपछि त्यहाँका नेपालीले राष्ट्रिय झन्डा हल्लाउँदै देशभक्ति झल्किने गीत गाउँदै नेपालको पक्षमा नारा लगाएका थिए ।
यसअघि फ्रान्समा सम्पन्न ८२ किलोमिटरको मोन्ट ब्लङ्क म्याराथनमा नेपाली चेली मिरा च्याम्पियन बन्न सफल भएकी थिइन् ।
भोजपुरको सानोदुम्मामा जन्मिएकी मिरा १४ वर्षको उमेरमा माओवादीको जनसेनामा भर्ती भएकी थिइन् । माओवादी जनसेनामा हुँदै दौडन सिकेकी उनी शान्ति प्रक्रियाका क्रममा राष्ट्र संघ र नेपाल सरकारले सेनामा समायोजन हुन अयोग्य ठहर गरेपछि एथ्लेटिक्सतर्फ लागेकी थिइन् ।
एथ्लेटिक्सबाट अल्ट्रा म्याराथनर्फ मोडिएकी मिराले विश्व चर्चित र अत्यन्त साहसिक अल्ट्रा दौडमा एक पछि अर्को रेकर्ड बनाउँदै नेपाल र नेपालीलार्इ विश्वभर चिनाइरहेकी छन् ।
0 टिप्पणियाँ
Write Down Your Responses