जिग्रीले रक्षासंग राखे बिहे प्रस्ताव
म्याग्दी र कालिगण्डकीको दोभान नजिक अवस्थित खुल्लामंचमा खचाखच भरिएका दर्शकलाई सुनाउदै जिग्रिले नर्स , शिक्षक , कलाकार ,लाहुरेको छोरी भन्दा रक्षा नै राम्रो भएको बताउँदा खुल्लामंच हाँसोले गुन्जिएको थियो । देशमा सुरक्षाको स्थिति नाजुक भैरहेको अवस्थालाई व्यंग्य गर्दै जिग्रिले रक्षासंग बिहे गर्ने रहर गर्दा दर्शकले समर्थन गर्दै ताली बजाएका थिए । टेलिभिजनमा नियमित हेर्ने भद्रगोल समुहको प्रहसन हेर्न बालबालिकादेखि बृद्धबृद्धासम्म खुल्लामंच पुगेका थिए । च्यातिएको कोट, टालेको दौरासुरुवाल र झुसेदाह्रीमा देखिएका पाण्डेले केहीबेर एकल व्यंग्य प्रस्तुत गर्दै नेपालका राजनीतिक दललाई गाली गर्दै आफुले बनाएको राष्ट्रिय गान गाए । उनले म: म: को बिषयमा व्यंग्य गरिरहँदा मन्चमा क्रिकेट ब्याटसहित कुमार कट्टेल (जिग्री)को प्रवेश भयो। त्यस पछि दुबैले आईसीसी विश्व क्रिकेट लिग डिभिजन टुमा खेलिरहेका नेपाली खेलाडीलाई प्रोत्साहन गर्न भन्दै खुल्लामंचमा क्रिकेट खेलेका थिए ।
सोहीक्रममा पाण्डेले क्रिकेट खेलाडी सबै चिन्छु भन्दै धमाधम राजनीतिक दलका नेताको नाम लिन थालेपछि जिग्रीले त्यसको प्रतिवाद गर्दै क्रिकेट खेलाडी ज्ञानेन्द्र मल्ल र पारस हुन् भन्नासाथ सबै हाँसेका थिए । क्रिकेटमा अम्पायरको भूमिकामा देखिएका सुवास कार्की (बेलासे)ले पनि तनावै तनाव छ, गोजीमा दुई रुपैया छैन भन्दै दर्शक हँसाएका थिए ।
स्रोत: नागरिकन्युज
0 टिप्पणियाँ
Write Down Your Responses